月爐．端燒

營業中

休息中

呢餐真係食到眉飛色舞🥹 每樣都做到細緻入味，配搭得宜，好似去咗日本鄉下小店咁有feel～🍱 我點咗佢哋嘅 自家比目魚西京漬定食魚肉外層燒到微焦香脆，入面仲保持嫩滑，西京味噌滲透得好夠火喉但唔會死鹹，配埋白飯真係一口接一口停唔到！🥗 定食配埋沙律、麵豉湯同甜品～沙律用上爽脆紫生菜，麵豉湯有豆腐＋昆布，最後甜品係 巨峰提子蒟蒻，清甜彈牙收個靚尾～🐚 小食方面推介 清酒煮哈哈螺，爽口又入味，食得出酒香中帶少少海味，越嚼越香～🍢 仲加咗個 油揚免治雞肉卷：Juicy，點埋隻蛋黃醬油汁落去，瞬間升呢成滋味串燒界貴族🤤🪑 坐bar枱睇住師傅現場爐端燒，氣氛加分，食物上枱速度都幾快，靚燈又好影～