燒肉801 (荃灣廣場)

營業中

休息中

最近日日都想食肉，但又驚忍唔住口食多佐，所以專登來食日式燒肉，食得好不如食得多。午市來食更加無負擔，兩個人來食，揀佐805黑毛和牛盛（牛肩胛+牛小排），追加一份804炎盛（牛小排+雞腿肉）。每份定食都包佐味噌湯+白飯+飲品。睇上去以為唔多，結果食落大滿足。805超高質，呢間門市無元朗個間會有店員幫手燒個一大塊牛肉，好在我朋友好識燒肉，唔係等我自己燒嘅話就肯定曬嘢。經驗之談，我見朋友夾件牛放落去燒各一邊大概5秒左右，然後折疊件牛就可以夾起身，撈埋碗溫泉蛋一起入口，口感正到不得了。呢間鋪頭服務態度好好，期間我地唔小心倒瀉佐醬汁，店員都好聲好氣來幫手處理兼幫我地摞新醬汁過來，仲擺佐塊小心地滑嘅牌係拖過嘅地上面。呢個一定要好評。