桔梗 (已結業)

近排疫情冇咁嚴重，即刻約朋友去旺角，行街睇戲食飯，喺朗豪坊附近行咗好耐，有啲肚餓，所以喺OpenRice望吓有咩食，見到附近有間轉係食牛肉嘅日式菜即刻去試吓，因為我同朋友都好鍾意食牛肉。桔梗 地址喺旺角砵蘭街160號地下，喺朗豪坊附近，去到舖頭門口見到飯廳好大，座位嘅空間十分足夠，望落去俾人感覺簡約舒適。日本A4黑毛和牛肉燥飯加糖心蛋 88 元肉操飯配料份量都非常多，糖心蛋開邊，賣相都幾吸引，加上黑毛和牛嘅味道好香，入口有即溶嘅感覺，牛肉香味非常之重，肉質比較嫩滑，配上日本珍珠米，令到口感同味道層次都好豐富，牛肉香味入口不散。明太子鍋燒烏冬配炸吉列和牛 168 元和牛炸到金黃色，而且一啲都唔油膩，黃牛經過炸過，完全保留到牛肉嘅肉汁，多一點油炸嘅香味。值得一試。烏冬方面，有好多日式配料，就好似一個日式火鍋濃縮左放入烏冬上面，明太子配鳥冬真係好有驚喜，可能自己比較鍾意食明太子，帶有小小鹹香，明太子比鮮甜，配埋烏冬一齊食，真係好正。差唔多食完嘅時候，見到隔籬枱食關西風壽喜燒，味道好香，而且牛肉非常之吸引，所以我哋決定下個禮拜再來試吓佢。