一寿司+ (已結業)

工作關係要去旺角,於是約舊同事去佢公司附近間一壽司食lunch~Set lunch 包括小食 + 卷物 + 主菜=$59,看似幾抵玩,於是一人一set~我要和風雞柳唐揚(小食) + 火焰三文魚卷(卷物) + 雜錦魚生飯(主菜);炸雞好香,上檯時熱辣辣,即叫即炸,好脆~火焰三文魚卷都唔錯,有好多我鍾意食嘅蟹籽,而且三文魚份量尚算幾多,唔係搵笨之作~雜錦魚生飯好有誠意,好多魚生,仲有隻蝦,飯同魚生比例適中,唔會塞太多飯俾你而少魚生,正~最後加埋杯熱啡,$59再加一,算唔錯啦,可以encore~