燒烤堂 (已搬遷) 新店位置

去完日本返嚟之後仍念念不忘居酒屋串燒 今日男朋友好細心咁帶咗過嚟旺角呢間燒烤屋一解我慾望，串燒選擇繁多而且價錢唔貴，坐得都舒服！牛油蒜蓉焗雜菇一打開就散出好香既牛油香，雜菇焗得好有水份唔會乾爭爭，食得好爽口仲有好豐富既牛油同蒜蓉香，而且份量大大份好足料！雞皮墨魚滑炸得香脆但無咩油溢味既雞皮，以鹽簡單調味後，雞味較香又惹味，包住入口煙韌又彈牙既墨魚滑，口感層次豐富得黎味道新鮮有創意，相當推薦！鹽燒prime牛小排牛脂豐富，牛香濃郁，口感極佳有咬口，燒完後更唔會好乾身依然保留到牛既鮮嫩多汁！汁燒白鱔白鱔以汁燒黎燒，香脆多汁，魚肉軟嫩，外皮香脆，燒得剛好唔會流失鱔本身含有既豐富魚油，食起來肉質又香又滑！蜜糖雞翼燒物又點少得雞翼！雞翼即燒即食，蜜糖令到外皮更香口，皮脆內嫩，惹味又入味！鹽燒墨魚咀燒得唔會乾，有咬口得黎墨魚味香濃，好煙韌又有口感，調味簡單卻更顯墨魚的鮮味！燒軟骨免治雞肉棒雞肉棒內含少量雞軟骨，微微帶脆，雞肉口感嫩滑，配搭隨付的日本雞蛋一齊食，味道好match之餘更添鮮味！秘制燒羊架羊架肉嫩而唔羶，羊肉鮮嫩，肥瘦搭配，肉烤得恰到好處，入口時香味餘香久久不散！