板上 (D2 Place) (已結業)

假日行完d2 市集，就係d2商場尋食，見到有間日式店舖，環境唔錯價錢合理，就入咗去食。入去有高枱同卡位可以坐，環境舒適用咗黃燈。但係，要自己去買嘢同拎食物，如果坐得太入既位置，就有啲唔方便。今次就揀咗薑汁燒豚五花呢個餐有一杯飲品，成個餐$46。便當既設計，入面有個紙盒，相信為咗方便清潔。便當有3格，一格係牛油粟米，一格係芽菜，一格係主菜薑汁五花肉飯。粟米食落新鮮，有牛油味但較淡。主角，薑汁五花肉既薑汁味重，天氣凍食薑汁好正。五花肉每條都大條同長身，但係薑汁太重，食唔到五花肉味。個珍珠飯就相對硬身，冇飯香，容易飽肚，個飯就令人有啲失望了，不過環境同食物價格好合理。