逸之燒 (已結業)

作為一個元朗人，其實食嚟食去都係某幾間食肆，好少會轉口味，今日破天荒去試新嘢，就book咗呢間位於雞地嘅逸之燒，估唔到係有驚喜鹽燒豚肉菠蘿串同荔枝串，菠蘿同荔枝又夠晒鮮甜，呢兩樣嘢真係一定要叫！仲有各嗌咗兩客七味安格斯牛肉大蔥串同汁燒安格斯牛肉大蔥串，一口咬落去啲藏喺大蔥入面嘅汁咇晒出嚟，加上大蔥嘅味令人齒頰留香，真係好想encore再食！另外仲叫咗份汁燒金菇豚肉芝士串，上菜時望到都令我垂涎三尺，汁夠甜，令到金菇好入味！食咗咁多肉，當然要嗌返碟炒雜菜，味道清新而且唔油膩，幫助消化一流！仲有翠肉瓜，瓜唔會燒到太淋，食落仲係好爽口，而且勁重蒜味，啱晒鍾意食蒜嘅朋友。如果係芝士控，就唔可以錯過佢嘅芝士啡菇，芝士味好濃郁，食完成個口都係芝士味，菇味都甜，唔會苦！環境方面，燈光適中，唔太暗亦唔太光猛，座位寬敞，坐得都幾舒服，冷氣又唔會太凍。今晚同女朋友食得好滋味，逸之燒真心值得推介，特別係區內好多日式食肆但就好少做日式串燒，我諗我哋好快變做長期捧場客