以老闆娘英文名命名嘅餐廳名，感覺倍添浪漫。
菜色有好多選擇，由前菜到主菜到點心甜品等等，任君選擇。
蔥油拌海蜇（$68）：入味又爽口，唔錯！呢個必點。
四川擔擔麵（$52）：辣而不嗆，嗜辣者必點嘅主食。
酸辣海蔘羹（$58/位）：酸酸辣辣，有咬口。
爆汁牛肉餡餅（$43/2件）：真係有爆開嘅肉汁㗎！
日喜灌湯小籠包（$63/4隻）：有質素，皮薄而不易穿！呢個必點x2！
干煸四季豆（$98）：夠乾身帶微辣，呢個必點x3。
上海炒年糕（$78）：夠味道，年糕亦夠煙靭，係稍微欠缺顏色。
高力豆沙香蕉球（$38/3個）：有香蕉同紅豆餡炸成嘅高力豆沙，新鮮炸起，我可以食晒一碟添！
桂花糕（$28/3件）：賣相好靚，亦都好清甜。
