The Point Kitchen (The Lohas) (已結業)

去咗將軍澳康城探朋友，本來約咗一齊食飯，點知朋友唔舒服要去睇醫生，今晚要自己一個食飯，行下行下就去咗商場，都有唔少食店開咗，有間餐廳剛剛開業，細看之下，原來是The Point Kitchen ，之前去尖沙咀The Point 食過都唔錯，今晚就讓我試吓這間吧！香炸海鮮拼盤：即叫即做有炸魷魚、蝦、白飯魚、軟殼蟹。原隻軟殼蟹都好大隻，鮮嫩嘅蟹肉配上炸到金黃色可以食埋嘅軟外殻，香口無比 。炸魷魚圈和炸白飯魚香脆可口，炸蝦仁比較細少，但都爽口。點沙律醬更好味！煙三文魚刁草忌廉汁天使麵，煙三文魚有滑順絲柔的油花口感，帶著點煙燻的風味與鹹味，刁草忌廉汁又香又滑，配合彈牙的天使麵，令人食不停口！Mocha，此款Mocha，香甜的濃縮咖啡，質感如鮮忌廉般幼滑，帶您進入咖啡享受新境界。