花月宮 (已結業)

慶祝阿妹考完試，食佢至愛既火鍋。 🥘芫荽皮蛋鍋每次打邊爐必叫既湯底，第一次驚覺湯底原來可以咁足料，有勁多至愛既皮蛋，至愛既芫荽，馬蹄，紅蘿蔔和粟米。可以唔洗爭黎食，相當滿足。馬蹄食落爽口清甜，湯底好鮮甜，飲左好幾碗。 🥗雜菌拼盤有茶樹菇、冬菇、金針菇、雞脾菇、秀珍菇、白玉菇和蟲草菇。可以一次過食唔同既菇菌，而且用皮蛋湯煮出來特別鮮甜。 🍢風花雪月手打丸拼盤（12粒）擺盤好靚，每一款丸都插住朵花，有蝦丸，墨魚丸，鮑魚丸，瑤柱丸，黃金芝士蝦丸，黃金芝士墨魚丸各2粒。粒粒都好大粒，兵乓波咁既大細, Q彈爽口彈牙。 🐷日本北海道花豚豬卷無豬既騷味，份量多，肥瘦適宜。 🐮美國頂級手切封門柳份量十足，牛肉味香濃，油脂分配平均。寫明要淥20秒，果然淥20秒食起上來就嫩滑，過左20秒肉質就會韌。 呢度仲可以包房，可以一路打邊爐一路唱K，下次都要帶多d朋友去。