影片
更多
2010-05-24
12 瀏覽
23-5-2010Long weekend 的最後一日, 又瞓到日上三竿, 1:45pm 出到尖沙咀各壽司店已開始「中場休息」, 見呢度 lunch 開到 3:00pm, 又捉了朋友上嚟試試. 睇完 a la carte 及 lunch menu 後覺得前者吸引得多, 但經理話 a la carte「夜晚先有供應」(吓, 咁你仲放個 menu 出來做咩?), 想食的燒牛舌 / 燒帶子 / 豚角煮 / crema catalana 統統無得食, 只好死死氣一人一 lunch 定食, 再加兩款小食 ($18 each) share.小食 #1 玉子燒明太子卷: 明太子唔夠辣又唔夠鹹及「腥」, 蛋卷無「燒」/「煎」過的痕跡, 不過夠熱夠軟熟亦夠清甜, 都 ok 的.小食 #2 黑胡椒芝麻炸雞翼: 完全唔脆, 但食落熱辣多肉汁, 黑椒味又香又辛辣, 味道 ok 的.定食叫了「長崎五島牛肉烏冬」, 牛肉烏冬以外仲有前菜, 南蠻炸雞,三文魚飯糰及餐飲:-前菜係木魚汁菠菜, 清清涼涼的, 帶點甜, 餐前「漱口」效果不錯. 南蠻炸雞凍凍的, 雞肉尚算嫩腍, 炸漿唔脆, 不過食落無油膩的感覺,
Long weekend 的最後一日, 又瞓到日上三竿, 1:45pm 出到尖沙咀各壽司店已開始「中場休息」, 見呢度 lunch 開到 3:00pm, 又捉了朋友上嚟試試. 睇完 a la carte 及 lunch menu 後覺得前者吸引得多, 但經理話 a la carte「夜晚先有供應」(吓, 咁你仲放個 menu 出來做咩?), 想食的燒牛舌 / 燒帶子 / 豚角煮 / crema catalana 統統無得食, 只好死死氣一人一 lunch 定食, 再加兩款小食 ($18 each) share.
小食 #1 玉子燒明太子卷: 明太子唔夠辣又唔夠鹹及「腥」, 蛋卷無「燒」/「煎」過的痕跡, 不過夠熱夠軟熟亦夠清甜, 都 ok 的.
小食 #2 黑胡椒芝麻炸雞翼: 完全唔脆, 但食落熱辣多肉汁, 黑椒味又香又辛辣, 味道 ok 的.
定食叫了「長崎五島牛肉烏冬」, 牛肉烏冬以外仲有前菜, 南蠻炸雞,三文魚飯糰及餐飲:-
前菜係木魚汁菠菜, 清清涼涼的, 帶點甜, 餐前「漱口」效果不錯.
南蠻炸雞凍凍的, 雞肉尚算嫩腍, 炸漿唔脆, 不過食落無油膩的感覺, 配上酸酸甜甜又帶蛋香及西芹香 (?) 的 (自家製?) mayo, 味道可以.
三文魚飯糰握得一般, 三文魚碎算有香味, 不過飯粒太乾身了, 紫菜韌韌的又無味, 印象一般.
「長崎五島烏冬」我第一次食, 比稻庭烏冬更幼身, 賣相有點似白色的 capellini Slurp 落爽滑, 質地又帶點即製上海拉麵的煙韌, 幾得意; 木魚清湯底落了大量昆布及蔥花, 仲有一隻鮮冬菇, 飲落清甜夠味; 不過牛肉就好熟好韌又好嚡口, 肉味亦淡, 「湯渣」一樣實在唔多好食.
餐飲 order 了奉上 cream 的熱咖啡, 熱飲時其實夠香滑, 不過未食到一半 waitress 已急不及待 serve 餐飲 , 到我「完成」鹹食的時候杯咖啡已攤凍晒, 又點會好飲?
朋友的定食好似係「滑蛋吉列黑豚飯 + 野菜沙律」, 跟前菜, 漬物及味噌湯:-
試了一件滑蛋吉列黑豚, 炸漿索滿汁液腍腍濕濕, 豚肉食落就鬆化多汁, 味道還不錯的;「滑蛋」就似乎煮得太生, 80% 仍然呈透明狀, 鼻涕一樣的賣相實在有點倒胃 下面 d 飯就無試了, 唔知「珍珠」唔「珍珠」?
野菜沙律面頭係 canned tuna , 勾起了不愉快的回憶 (講緊乜: http://www.openrice.com/restaurant/commentdetail.htm?commentid=2074606), 真 xyz; 仲有蟹柳絲, 蕃茄, 青瓜之類, 食了少少蕃茄覺得幾清甜多汁, 不過最後都食剩不少...
食物一般, 服務亦一般, 單計餐飲的安排感覺已麻麻 環境就不錯, 卡位好坐又算有 privacy, 不過呢度係日本餐廳, 環境好都唔出奇吧.
每人約 $105 埋單, 唔貴, 可能會返嚟食 dinner, 不過 lunch 就真係咪搞我了.
張貼
