阿杏飯團 (富時中心) (裝修中)

今日趕時間，所以揀左呢間飯團買外賣返去食，我揀左網紅蟹肉飯團，隊友就揀左新宿燒汁牛扒飯團，再加左兩杯台式飲品，佢地雖然即叫即整，但都好快手，唔使等好耐，員工又有禮貌，疫情期間雖然冇得坐喺度食，但裝修都好有心思。飯團望落唔算大個，但飯團入面係實到冇晒空位，一個飯團連野飲，隊友食完都話飽。新宿燒汁牛扒飯團-飯團非常足料，入面有唔同既菜類，肉鬆，勁脆既油炸鬼，當然唔少得主菜牛扒啦，我鍾意佢用紫米做飯團，有營健康，牛扒鬆化唔靭。幾層口感，好味。網紅蟹肉飯團-一樣有齊菜，肉鬆，油炸鬼，同主菜蟹柳，唔怕小朋友揀飲擇食，一個飯團就有齊晒主食菜同肉，非常方便。黑糖珍珠奶茶-茶香奶滑，雖然叫左凍，啲冰溶晒都唔水，茶香奶滑，珍珠有黑糖香，又煙靭，仲要都幾多，一啲都唔慳。燒仙草茉莉-茶有淡淡茉莉香，燒仙草清熱解毒，隊友話好似食緊飯後甜品咁，唔錯。