滿滿丼 (已結業)

今日終於到星期六日，可以出去中午食餐好嘅，因為要去朗豪坊嗰邊買嘢所以去旺角嗰邊食嘢，知道近家樂坊嗰邊有間日本當飯好出名就去試吓，入邊座位舒適而且便當好特別好適合學生去食，我同朋友嗌咗牛舌丼飯同埋鰻魚豬軟骨飯，另外我哋升級套餐嗌咗魷魚同埋溫泉蛋小食，因為我唔夠飽所以嗌多咗個細牛肉飯，便當一到好有學生飯盒嗰種味道，牛舌煎得好香口而且配上珍珠米簡直係冇得彈，加上中華沙律同埋一啲配菜，好有飽肚感，而且牛舌厚度適中，唔會太過鹹，小食方面炸魷魚好香口，唔會太過油膩，而鰻魚丼飯，鰻魚醬汁好香口加上鰻魚煎得好入味，加上溫泉蛋配珍珠米簡直係錦上添花，除此之外我哋嗌多個雞翼小食，正正常常冇乜特別，而且套餐仲有飲品，價錢相當合理，下次去開旺角可以再試吓其他飯盒。