市集入面由台式 韓式 日式 泰式到飲料店都有😲
不過兜左一圈 覺得啲野食都偏頹 唔係好買得落手😅依間賣台式野食既【便當達人】算係比較睇得上眼🤡
🍱香菇肉燥豬軟骨飯($54)
連紙包飲品
1
一盒裡面 有肉燥飯有豬軟骨 有滷水蛋 連啲酸菜 都幾飽肚抵食
肉燥汁多到淋滿整盒飯 幾香口 適合撈飯
可惜啲飯明顯太軟 雖然食軟飯係好多男人既夢想 但感覺嘥左個汁😢
香菇角色唔算好明顯 隱隱約約咁
豬軟骨切成條狀 搞到有啲難夾
煮得好入味 但比起豬軟骨 更似帶軟骨既瘦肉 軟骨部分較爽口😎
整體黎講 各方面唔算好出色 但係肉量/汁量夠多 食得夠爽🤪
滿足左我想大啖爬飯 同想食濃味料理既欲望👍🏻對得住價錢
佢仲有 鹽酥雞飯、滷排骨飯、豬手飯 等等既款式 感覺都幾吸引😛
P.S. 學生優惠 著校飯單點便當 $40送野飲
