福井壽司和食屋 (已結業)

我係住o係呢間餐廳樓上ga,所以呢都會好多時同d朋友,同屋企人去呢間野度食lunch或者dinner,價錢真係唔會貴得去邊,一個setlunch基本上都唔過40,同埋做得比較平民化既係加錢有餐飲。講環境,都尚算可以,裝修簡單但有格調,最主要可能有一個壽司吧,而且唔係回轉果隻,所以感覺上比起大部份同類型和食餐廳高一等,比起食回轉壽司個感覺完全兩回事。座位寬敞,因為食野最重要係舒服..一般order檯都唔會太迫..而且可以行既路都幾闊..唔會好似出面d餐廳咁..可能整跌人d野都唔知道..haha。食物真係算係咁,可能本身冇咩期望過,所以都會出乎意料之好,可能食物都比較普通,但至少有一定水準。服務方面都算係一般啦,最少係我眼見中唔算最差既~,同埋最令我留意係d侍應,好多都好後生,好似o岩o岩出黎做野咁,同埋d人成日唔同haha,有時遇到d比較真係好既侍應,之後去又未必見得到,呢度有d遺憾。但可能有d新鮮感既~對我地d成日黎既客人黎講。