燒蝦蝦 (興泰大廈) (已結業)

今日我哋去咗屯門燒蝦蝦食流水蝦放題，即係元朗之後屯門都終於有啦！呢間放題質素好高，有源源不絕嘅海鮮同埋肉類，無論你係海鮮控定係食肉獸都好岩！首先介紹嘅係流水蝦，每張枱旁邊都會有個魚缸，所以啲蝦好新鮮！另外海鮮亦都有唔同種類可以選擇，有鮑魚、花甲、蜆、生蠔等全部都係新鮮喺魚缸拎出嚟，所以特別鮮甜呢度嘅蝦全部都好大隻，蝦頭亦都有蝦膏！而且如果食晒亦都好快會加蝦，十分大方另外一坐低店員就俾咗一盤和牛鰻魚 不過呢兩本食物就唔係無限任添食完海鮮之後就可以夾旁邊嘅肉類同埋蔬菜類特別係燒菠蘿燒菠蘿特別鮮甜甜品方面有多款雪糕雪條選擇，更加有最近好出名嘅熊貓雪糕！