喜天丼 (已結業)

伊勢海老天丼澳洲龍蝦、茄子、秋葵、南瓜、蓮藕、冬菇、流心玉子大癲！$200唔洗有新鮮龍蝦天婦羅，即叫即劏即炸！廚師仲拎隻龍蝦俾我睇下佢幾生猛🙈廚房採用透明玻璃，成個製作過程都可以一覽無遺。炸天婦羅的油質清澈，睇住師傅炸嘅過程有趣得黎又可以令客人食得放心。超薄嘅天婦羅炸皮，日本常見但係香港真係好少會食到🥹 龍蝦肉經過高溫炸製後仍保持爽口彈牙，鮮甜濃郁。茄子、冬菇、南瓜、秋葵等蔬菜天婦羅炸得外脆內軟，咬開後仍然好juicy。流心玉子配飯一流！飯面上撒滿了香脆的天婦羅碎和濃郁的芝麻，不僅提升了香氣，仲增強了整碗飯的口感層。特盛海老天丼海虎蝦4隻、茄子、流心玉子海虎蝦都一樣肉質紮實彈牙。一般餐廳都係2-3隻，哩度有四隻咁多啱晒鍾意食蝦嘅朋友仔，仲要只係$128，真係好抵食。冷麵夠晒凍，而且份量多，建議加鵪鶉蛋、蔥花、wasabi落冷面汁一齊食更添風味。套餐仲有麵豉湯同埋酸辣青瓜前菜。