影片
更多
2018-04-07
19 瀏覽
由細玩到大嘅表哥宣佈新工終於過了試用期， 要食番餐好嘅同佢慶祝一番，表哥於香港區工作，喜歡打邊爐、飲酒，於是我係openrice找到這間口碑不錯又符合表哥要求嘅 one more hotpot來一鍋。One more hotpot來一鍋餐廳地方寬敞，座位頗多，甚至有窗口嘅梳化位 ; 裝修格調高尚，以藍白色為主調， 尤其喜歡餐廳佈置靚靚的party room， 一大班人圍在一起食飯，可擁有自己的天地，即使喧鬧也不會騷擾到其他客人。由於之前喺openrice找這間餐廳時已看過menu及客人既評價，所以好快決定選擇 ~ 晚市海鮮火鍋套餐，每位$368，包全場任飲(紅/白/啤酒/汽水)及任食兩小時30分鐘。表哥飲紅、白酒，我唔飲酒的，好彩無酒精飲品超多選擇，連康師傅都有，so good 。鍋底選擇有十款咁多，仲要係款款特別，例如酸菜卜卜蜆鍋、喇沙海鮮鍋……等，我同表哥選擇了花膠螺頭雞鍋(濃湯)， 鍋入面超多花膠同螺頭，仲有兩隻大雞髀， 啖湯好鮮甜。前菜有四川麻辣木耳及手拍青瓜，少少辣，爽口又惹味，非常醒胃。主菜跟位上，有大蝦、貴妃蚌、象拔蚌、有殼扇貝、有殼青口、有殼鮑魚、即炸響鈴、即炸魚皮 ;
One more hotpot來一鍋餐廳地方寬敞，座位頗多，甚至有窗口嘅梳化位 ; 裝修格調高尚，以藍白色為主調， 尤其喜歡餐廳佈置靚靚的party room， 一大班人圍在一起食飯，可擁有自己的天地，即使喧鬧也不會騷擾到其他客人。
由於之前喺openrice找這間餐廳時已看過menu及客人既評價，所以好快決定選擇 ~ 晚市海鮮火鍋套餐，每位$368，包全場任飲(紅/白/啤酒/汽水)及任食兩小時30分鐘。
表哥飲紅、白酒，我唔飲酒的，好彩無酒精飲品超多選擇，連康師傅都有，so good 。
鍋底選擇有十款咁多，仲要係款款特別，例如酸菜卜卜蜆鍋、喇沙海鮮鍋……等，我同表哥選擇了花膠螺頭雞鍋(濃湯)， 鍋入面超多花膠同螺頭，仲有兩隻大雞髀， 啖湯好鮮甜。
前菜有四川麻辣木耳及手拍青瓜，少少辣，爽口又惹味，非常醒胃。
主菜跟位上，有大蝦、貴妃蚌、象拔蚌、有殼扇貝、有殼青口、有殼鮑魚、即炸響鈴、即炸魚皮 ; 手工墨魚丸、豬肉丸、流心牛肉芝士丸、韭菜餃、水餃、雲吞、墨魚釀豆卜、豬肉釀鮮冬菇，總共17款之多。
最令我倆驚喜的是即炸響鈴同即炸魚皮，好大件，有我兩隻手掌咁長，好脆。
每款海鮮都好新鮮，尤其貴妃蚌、扇貝、鮑魚， 肉厚又鮮美，質感鮮嫩， 好快被我倆秒殺。
餐廳好細心，D餃同丸好味之餘，款款做到細細粒， 唔會食到飽曬，仲可以試到其他火鍋配料，抵讚。
餐紙有說明"時令海鮮供應量有限 部分海鮮售完即止"所以本人建議要早D去到餐廳。
肉類每兩位會送一碟手切安格斯Prime Grade 牛頸脊肥牛片/ 西班牙黑豚肉， 我倆揀咗牛頸脊肥牛片，油花均勻，口感嫩滑，食落相當有牛味。
我倆還加多一個火鍋配料及火鍋配菜:
花枝片:爽口甜美
菜心苗:無渣，夠嫩綠
知道表哥鍾意海鮮，我靜雞雞叫了一隻龍蝦($128)，，價錢合理，啖啖肉， 味道鮮甜，肉質嫩滑，表哥超鍾意。
最後精選甜品送上~朱古力心太軟，我至愛甜品之一， 慢慢將他切開， 即刻見到朱古力溶液慢慢咁流出來， 整個畫面都能令食嘅人心動，而且海綿蛋糕夠鬆軟, 食到舐舐脷。
值得一提 : 晚飯全時段享有八五折優惠，可以享受咁多海鮮同質素好既肉類，其他火鍋配料又好味，好抵食。
激讚之處 : 係全程食飯過程中，餐廳每位員工都好有禮貌，好勤快換碟， 完全無需遞手示意 ，員工會主動幫你加湯， 服務至上，做得好好。
張貼
