棠記麵食店 (已結業)

　　午市去食半場客滿，冷氣唔太夠係唯一敗北，但係呢度勝在用料鮮、粉麵靚。叫左墨丸水餃河，墨丸唔係雪丸食得出鮮墨魚，水餃蝦大大隻無欺場，河粉薄到透見湯底顏色、粗幼均一而且唔會一夾就斷、爽而滑，食完唔覺有味精。　　呢度食粉麵起標價係廿蚊，我覺得值。一路食都見到好多西裝友專登入黎幫襯，隔離枱仲係四人搵食團黎，一路食一路讚。雖然環顧各區，棠記未見得係首屈一指，但以本區黎講質素應該唔錯。　　PS: 好耐未食過咁靚河粉。