御前大江戶日式料理

喺Facebook見到人哋碗海膽飯，成碗飯都鋪滿海膽，好努力咁搵終於搵到依間。
約咗老公食lunch，去到發現海膽飯只係lunch供應，我同老公一人叫咗一碗，佢食大膽鬼，我食細膽鬼，加左＄10叫個餐。

大膽鬼

$158

細膽鬼

$88

炒雜菜跟餐

$10

兩個海膽飯都係即叫即整，所以要等一段時間，炒雜菜就先上，熱辣辣，啲菜好脆，好新鮮，唔似出邊啲炒雜菜用埋啲菜頭菜尾味道啱啱好＄10跟餐好抵食
海膽飯啲海膽鋪滿晒成碗飯，超豪華同平時壽司面啲海膽有啲唔同，佢哋比較實淨，但鮮味甜味一樣咁正，細膽鬼份量，女仔啱啱好，男仔就要食大膽鬼啦。呢個價錢真係買一板海膽都唔止啊，所以鍾意食海膽嘅朋友，真係要推介呀！