影片
更多
2019-10-30
6 瀏覽
一向都幾鐘意要食潮汕牛肉火鍋，不過香港就比較少有，多數都係重慶／港式／日式既口味，如果要專登去深圳食又好似太麻煩，今次竟然比朋友搵到呢間高質既牛肉火鍋專門店，實在太kai先啦！太kai先啦！店子位於旺角百寶利中心5樓，地點都幾方便，我地去到既時候都幾多人，都要等一陣，不過好快都有位坐。餐牌都好多款唔同既牛肉，淨係煽牯牛都已經有好多唔同既部位，鐘意食牛既朋友就最啱啦！有齊吊龍伴、三花趾、匙柄等等必食既部位，仲有來自鹿兒島同宮崎既A4和牛﹑Prime美國牛肉等等，價錢亦都唔算貴，食多幾碟都唔會肉赤！先點左個鴛鴦湯底，重慶翠綠麻辣口味非常濃郁，辣得好過癮，牛骨湯香濃肉味，但唔會太油，兩款都好香好足料！而主角既新鮮煽牯牛，相當好食，必試吊龍伴，比平時一般既牛肉更有牛味，而且好滑好淋，口感唔錯。胸口朥唔好睇佢好似好肥咁，其實好爽口，好似筋膜咁，夠曬特別。雪花脖仁好嫩滑，又有油花，啖啖肉香。肉質好有彈性，真係非常高質！至於其他配料都唔錯，不得不提魚皮餃同馬駮魚丸，真係同麻辣湯好夾，吸曬湯底既味道，非常惹味。手工韭菜水餃大大粒，入面好多肉汁，啖啖食落都好Juicy，好正！潮汕牛丸不得不試，彈牙爽口，
店子位於旺角百寶利中心5樓，地點都幾方便，我地去到既時候都幾多人，都要等一陣，不過好快都有位坐。
餐牌都好多款唔同既牛肉，淨係煽牯牛都已經有好多唔同既部位，鐘意食牛既朋友就最啱啦！有齊吊龍伴、三花趾、匙柄等等必食既部位，仲有來自鹿兒島同宮崎既A4和牛﹑Prime美國牛肉等等，價錢亦都唔算貴，食多幾碟都唔會肉赤！
先點左個鴛鴦湯底，重慶翠綠麻辣口味非常濃郁，辣得好過癮，牛骨湯香濃肉味，但唔會太油，兩款都好香好足料！
而主角既新鮮煽牯牛，相當好食，必試吊龍伴，比平時一般既牛肉更有牛味，而且好滑好淋，口感唔錯。
胸口朥唔好睇佢好似好肥咁，其實好爽口，好似筋膜咁，夠曬特別。
雪花脖仁好嫩滑，又有油花，啖啖肉香。肉質好有彈性，真係非常高質！
至於其他配料都唔錯，不得不提魚皮餃同馬駮魚丸，真係同麻辣湯好夾，吸曬湯底既味道，非常惹味。
手工韭菜水餃大大粒，入面好多肉汁，啖啖食落都好Juicy，好正！
潮汕牛丸不得不試，彈牙爽口，爆曬肉汁，比一般牛丸好食好多！
魚皮相當香脆，絕對新鮮，就咁當小食都得，忍唔住叫左兩碟！
呢到既食物質素唔錯，而且價錢唔貴，平時收工想約朋友打邊爐，絕對係唔錯既選擇！
張貼
