同撈喜(發記)粉麵餐廳

估唔到，新開小店有驚喜，叫咗個豬扒竹昇麵走葱，真係估唔到佢塊豬扒咁新鮮，真正新鮮炸起，熱辣辣！好耐都無食過咁新鮮鬆化嘅豬扒，唔似其他店死實實！可配麵、米線、河粉、公仔麵，轉薯粉仲唔駛加錢。一時落單太心急，無加雲吞，原來餐牌後面仲有好似車仔麵嘅自選粉麵。

除咗湯粉麵，仲有自家製無味精燉湯飯套餐、鴨腿湯飯，可惜今日食咗下午茶，實在無空間試佢個燉湯，見隔離枱食好正咁，下次一定要試下！

值得一提，冷熱飲品同價，$46真係好抵。最難得凍檸茶係用匙，好多店轉咗木棒，真係好難篤呀！

1

1