丹麥餅店

係銅鑼灣做完自己野，突然間醒起丹麥既豬扒包。聽就聽人講得多，說就未食過，所以決定會一會佢。

丹麥餅店算係一間老舖，裝橫舊式樸素，一睇就知有歷史。舖位係正馬路口，好易見到。行近門口就已經聽到炸野聲，油聲啵咯啵咯，聽到就已經留晒口水。

豬扒包

$18

同阿姨叫左依個豬扒包，阿姨會先將個包放入焗爐烘脆，之後放入炸豬扒。入面既醬係茄汁加沙律醬，豬扒已經冇左條骨，真係好細心同食得方便。豬扒炸得香脆而且好稔，應該唔係用好多味精去醃，但醬夠所以味道夠。18蚊依個質素又咁足料，的確好抵，而且好夠飽。

下次就一於試下佢既魚柳飽～