岸久巿場 (已結業)

海鮮燒烤一向係我最鍾意嘅食物之一，而銅鑼灣呢間餐廳我之前未試過，今日就同朋友嚟一探究竟。每枱都會有芝麻鹽醬椰菜做前菜，椰菜清爽香甜，用來做沙律一流。主菜方面我哋叫咗濱燒二人盛合套餐，包括有蠔，貝類，蝦同魷魚等等。每隻海鮮都十分新鮮，尺寸都好有份量。呢間店有專人會幫你燒，坐定定就有得食。生蠔好肥美厚肉，咬落去又juicy，另外，貝類都好鮮甜，侍應加了清酒，令海鮮味道更提升！蝦好大隻又爽口彈牙！除左套餐外，我地另外叫左鹽醬墨魚鬚漬，黏口香甜，一試難忘。之後再叫左六款壽司，刺身比起其他店大件，件件肥美，魚類無筋，牡丹蝦好甜又爽口，十分不錯。而我最鐘意既係香煎蒜片厚切牛舌，牛舌厚得黎香軟，入口即溶，配合佢既醬同香蒜，真係超級好食。呢到既燒烤都算係抵食夾大件，未試過既朋友真係可以一試。