日日涮 (已結業)

最近兄弟搬咗去美孚住，呢日去咗探佢，夜晚佢帶我地去附近新開餐廳食放題火鍋，環境寬闊非常舒適，套餐由$268起，按照選擇牛肉種類有所不同，形式是一人一鍋，湯底有六款選擇。我地點左美國牛小排，套餐仲可以點豚肉、雞肉。首先係刺身拼盤，有三文魚、吞拿魚、大蝦、立魚等，款款新鮮，最推介大蝦刺身，肉質爽口彈牙。之後的海鮮拼盤更加令人印象深刻，特別係波士頓龍蝦，大大一隻肉質彈牙，而且啖啖肉，仲有鮑魚、扇貝、蟶子、蠔，食材非常有水準。餐廳中間仲有自助火鍋配料區，有幾十種火鍋配料任食，仲有飲品任飲。丸類已經多達10款，好似龍蝦丸、年糕丸、秋葵、春菜，而且補貨速度非常快。甜品仲要每人可以點一款Haagen Dazs/Movenpick 。