海街丼 (海光街) (已搬遷) 新店位置

今日lunch同同事嚟到鰂魚涌呢一間日式料理，試下海鮮丼，聽講都幾出名， 不過價錢都唔平， 午餐由八九十至200蚊不等。我就嗌咗普通嘅海寶丼(並)試下，味道都幾唔錯，主要有吞拿魚，三文魚子，蜆肉，螺肉 ，八爪魚 等等，唔同嘅配料，加咗少少青瓜 。海鮮都幾鮮甜，食落有咬口，而且飯亦都落咗少少芝麻，同埋有仲有啲紫菜， 大蔥等等，撈埋食都幾好味，配上店家特別製嘅柚子醋啫喱，可以撈落個飯。鍾意食鹹嘅朋友仲可以加少少醬油。 最特別嘅係柚子醋用啫喱嘅整法， 食落唔會太酸，酸酸甜甜又新鮮， 可以引起食慾，亦都可以帶出海鮮嘅味道。而前菜係辣泡菜蕃茄， 其實唔辣，不過味道鹹鹹哋酸酸哋，但完全唔似食緊生嘅番茄，感覺好fresh好好味 。