三刀次郎 (友榮大廈)

 晏就食得太飽😂夜晚唔想食得太heavy，於是就諗住食壽司。經過見到呢間壽司店，細細間得三個位，應該主要都係做外賣，見到menu有好多唔同既壽司、刺身、丼飯、卷物，而且價錢唔貴，雖然見到網上冇乜食評，但係都諗住照試下！入面得一個師傅係入面一腳踢，全部食物即叫即做，而且佢都幾nice，見到我同朋友叫左幾款野，快快手整好個拼盤比我地食住等🥰所有食材都夠新鮮，性價比高啊！下次可以試下買外賣翻屋企食。

1⃣️刺身拼盤（$108）
 

刺身拼盤

有三文魚、吞拿魚、白身魚兩款、甜蝦、帆立貝。食落食材新鮮，而且每一款刺身都算厚切！唔錯！不過吞拿魚就有少少筋😕  

2⃣️三文魚腩刺身（$26）
擺埋落個刺身拼盤到。好肥美🤤  

3⃣️火炙三文魚壽司（$10）
面頭有燒融左既芝士🧀️火炙過既香味好正🔥  

4⃣️火炙左口魚邊壽司（$10）
呢個有驚喜wor🤩第一次出去食左口魚壽司有咁大塊😳雖然油脂感唔算出，但係夠曬厚肉同大片，食得好滿足！  

5⃣️加州反卷（$30）

加州反卷

加州反卷

 每一件都好大件，可以話係我見過最大件既加州卷。面頭滿滿既沙律醬係熱量亦都係美味🤤當日師傅話冇曬青瓜，可以換其他食材比我地，於是師傅就推薦左可以換三文魚比我地😍好好啊。入面既蟹柳、蛋、三文魚都好厚好足料👍