Bubbles Sushi

朋友提議去食日本放題

不過又唔想去一般既放題餐廳

怕座得唔舒服

於是朋友努力找尋下就搵到呢間日本放題

首先餐廳既位置較為難搵

我花了一點時間先可以搵到

不過真係唔似一般既放題餐廳

我地2個人都可以座卡位

而且枱與枱之間都非常闊落舒適

而且當日係假期前夕

不過餐廳並唔滿座

當日大概只有一半滿

所以亦唔會太嘈

要傾偈亦絕對無問題

而且無限時可以坐到10點鐘

係想慢慢傾偈既好選擇

至於食物方面

感覺上款式比一般既放題選擇少

不過刺身種類還可以

有很多我未聽過的魚

試過多款刺身都覺得好新鮮

至於主食方面

我就好鍾意串燒

其中雞軟骨、牛柳、多春魚等都好好味

好感覺到係即叫即燒

送到黎係好熱辣辣

仲有天婦羅都係

即叫即整而且唔會太厚粉

GOOD!!

值得一提既係呢度既汽水係任飲！

除咗食物方面

呢個既服務亦都唔錯

因為唔係好多客人

侍應都可以好好照顧每張枱既客人

有舒適既坐位，服務又周到，而且仲要無漏單

當然要用錢換番黎啦

所以呢度既放題都算係貴

但可以換番對應既質素！