大吃大喝 (彌敦道) (已搬遷) 新店位置

女兒叫我幫忙去油麻地大吃大喝 Guzzle 買三文治，因為有同事食過超好味，三文治店以手工製足料大份三文治作招徠，所以叫我買返去比佢哋試吓。專門店主打厚吐司三文治，供應的款式非常多，全部吐司三文治都是即點即製。三文治包裝精美，乾淨衛生。松露安格斯牛肉：三文治好足料，有厚厚嘅安格斯牛肉漢堡，加上十分juicy嘅滑蛋和松露蛋黃醬，還有新鮮生菜加蕃茄，無論口感和味道都好豐富，越食越滋味。黑椒蘑菇滑蛋三文治：厚厚蛋非常滑溜有蛋香，新鮮蘑菇香噴噴又爽口，再加上惹味的黑椒，非常惹味。厚切餐肉滑蛋三文治：餐肉真係好厚身，並煎到兩邊好香口，加上非常滑溜蛋，食落絕非一般茶餐廳的餐蛋治，值得一試！濃厚滑蛋三文治：滑蛋分量十足，滑蛋原汁原味蛋香濃郁。