Oyster Station Snack & Oyster Bar (已搬遷) 新店位置

有個好朋友回港渡假，我想搵間特別小小的餐廳同佢食。之前見大家對它的評價不錯，就打電話訂檯。門口可以泊車，所以揸車上去。一早有心理準備裝修不太好，但我又覺得沒大問題。當日booking好多，我同朋友坐Bar檯，可以同師傅傾吓計，我叫佢推介幾樣嘢食，又開枝白酒。先食海膽，非常新鮮，值得一試！我朋友一向唔食海膽，覺得一定腥，今次都話非常好食，差Ｄ食埋我嗰份！期間有自家制蕃茄魚湯加蒜蓉包送，沒加味精，味道不錯。之後到Seafood Platter，師傅同我哋講咗一輪，我哋開始逐樣試，我比較喜歡原汁原味，所以唔加任何醬汁，每樣都食得出好新鮮！我哋仲叫多半打蠔，可能我哋也不算得上食得多，但我朋友向來也不太喜歡食蠔，佢都食咗半打，哈哈！師傅問我朋友最喜歡食哪一款海鮮，我朋友答是Platter中的法國甜蜆，師傅即刻送咗幾隻俾我哋。好豐富的一餐，服務一流，下次一定再來。