大勝丼 (已結業)

旺角最近新開左間日本丼飯專門店，難得今日收早，就約左男朋友去試一試。呢到既丼飯係會有一個湯，飲品仲有甜品跟。我同男朋友叫左一個海膽甜蝦丼同一個海賊丼(即係左口魚加鰻魚)一叫完個丼飯，店員就送上湯同飲品，飲品係我地可以自己揀既。好快丼飯就送上左黎，海膽甜蝦丼有好多甜蝦仲有好新鮮既海膽，每一啖都好滿足。因為我唔想食生冷野所以就揀左海賊丼，左口魚既魚油好香，每食一啖都感受到魚香既味道。食完之後仲有雪米滋食呀食左咁多野都只係每日百零蚊左右，性價比好高！