影片
更多
2008-07-27
19 瀏覽
我：Hello Florence老闆娘：今晚咁早既?我：係呀，今日早D收工老闆娘：哦，隨便坐，睇下食咩其實都係循例番一番餐牌，食咩大概心裡有數。兩份八喜撈、蘿蔔、魯肉餃、兩溝同埋兩杯梨茶。本來仲想叫多一點，但已被Florence阻止，話我一定食唔晒。兩份八喜撈都係要粗麵，豬油、蠔油、黑白芝麻、蔥花、西生菜等幾種簡單材料放得整整齊齊，可見店長的心機。加埋個爐，自已鐘意點玩就點玩。只一點點的簡單配料，加上自已個人風格的撈法，味道也是不錯的。蘿蔔炆得夠淋，味道又是一樣的鮮甜美味。老闆娘見我們未必食得晒，就專登只做一份(即$5)給我。這小小的一點心意，可見老闆娘對客人的關心。之後送上魚肉翅，材料十足，又熱又香，聞見都想食。朋友都大讚這翅有水準，彷如多年前街邊檔的出品。事實上，我個人喜歡碗仔翅多於大酒樓的魚翅。等左好耐，主角魯肉餃終於出場。蝦子蓋著粒粒的餃，賣相是一貫的吸引。微甜的肉餃，配合大量的蝦子，口感很好，皮仍舊是偏厚身，但我毫不介意。底下的西生菜中和味道較重的魯肉餃，又是另一番心意。咸點吃完，係時候叫糖水。問老闆娘今日有咩甜品，回覆是有大四喜、馬騮頭、西米布甸和咸芝士酥。馬騮頭及咸芝士酥
老闆娘：今晚咁早既?
我：係呀，今日早D收工
老闆娘：哦，隨便坐，睇下食咩
其實都係循例番一番餐牌，食咩大概心裡有數。兩份八喜撈、蘿蔔、魯肉餃、兩溝同埋兩杯梨茶。本來仲想叫多一點，但已被Florence阻止，話我一定食唔晒。
兩份八喜撈都係要粗麵，豬油、蠔油、黑白芝麻、蔥花、西生菜等幾種簡單材料放得整整齊齊，可見店長的心機。加埋個爐，自已鐘意點玩就點玩。只一點點的簡單配料，加上自已個人風格的撈法，味道也是不錯的。
蘿蔔炆得夠淋，味道又是一樣的鮮甜美味。老闆娘見我們未必食得晒，就專登只做一份(即$5)給我。這小小的一點心意，可見老闆娘對客人的關心。
之後送上魚肉翅，材料十足，又熱又香，聞見都想食。朋友都大讚這翅有水準，彷如多年前街邊檔的出品。事實上，我個人喜歡碗仔翅多於大酒樓的魚翅。
等左好耐，主角魯肉餃終於出場。蝦子蓋著粒粒的餃，賣相是一貫的吸引。微甜的肉餃，配合大量的蝦子，口感很好，皮仍舊是偏厚身，但我毫不介意。底下的西生菜中和味道較重的魯肉餃，又是另一番心意。
咸點吃完，係時候叫糖水。問老闆娘今日有咩甜品，回覆是有大四喜、馬騮頭、西米布甸和咸芝士酥。馬騮頭及咸芝士酥凡都未試過，但朋友話最怕榴槤，聞到都唔得，咁就要兩份咸芝士酥好了。熱呼呼的芝士酥，口感煙煙韌韌，芝士味香濃，加上雪糕，一咸一甜撞出來的化學作用，難以用文字去形容，總之就係感覺奇妙。
又是吃到抱住個肚離開。老闆娘又係個句：你真係大豪客呀！
張貼
