香河越南餐廳 (已結業)

有一段時間都無來香河, 原因唔係佢地D食物唔好, 係好似來來去去都係這些菜式有點悶.前二日友人突然話要來此店食飯, 點知當晚就發現佢地換左新餐牌真係開心.我地點左煎扎肉凍檬, 牛油田雞及茄汁牛腩配麵包.凍檬內既扎肉其實唔係煎而係炸, 炸得有點乾身不過味道就出奇地美味,再加上佢地既魚露這個凍檬真係唔錯.再來既茄汁牛腩同樣出色; 茄汁唔似完全用上支裝茄汁, 應該再加上新鮮蕃茄令到汁有點鮮甜, 而且牛腩炆得好淋身配上法包非常美味.最後既牛油田雞應該係新增菜式, 一碟份量都幾多, 而且炸得份外鬆脆而不油膩, 田雞肉仍然嫩滑可口, 唯一美中不足就係沒有足夠既牛油香味.