Lab 66 (已結業)

個fd話上次揸車經過黑布街 見到開左間新野食fusion菜所以今日收工決定一齊去試下！入到去d裝修都幾有特式 放左d特别既擺設。Menu都幾有個性。順帶一提上菜速度都幾快！前菜我地揀左煙三文魚凱撒沙律！侍應哥哥一送上黎 我就覺得好得意！好似一個盆景咁 將煙三文魚切到一朵花咁放係樽入面！侍應哥哥仲話要等一分鐘先開蓋。等左一分鐘之後開蓋既時候有d煙冒出黎 原來係蘋果木既煙 變成真真正正既煙熏三文魚！！味道就更係好食啦！d菜好新鮮真係索索聲架 d醬汁仲好充足添！之後仲有點左冬陰公湯。待應哥哥好有禮貌拎左個紅色煲仔黎 下面仲有火一路熱住個湯！煲仔細細估唔到好足料！！有2隻大蝦 我同個fd都哇左聲！最得意係佢竟然放左幾舊油炸鬼落去 油炸鬼索晒d湯一咬落去B番晒d湯係口真係好正！！食到底仲有草菇同牛丸！真係夠足料！！我地仲點左帆立貝墨魚汁意粉！呢個份量都唔少～帶子好鮮甜丫！同個墨魚汁意粉好夾！d意粉軟硬適中 唔太林亦唔太硬 岩晒我口味！！而飲品方面我就飲左“紅” ! “紅” 係一杯鮮榨果汁！入面既材料有蘋果 士多啤梨 桃 橙 紅菜頭！ 材料好豐富 而且真係好好飲 唔會好甜 仲食到小小果肉！總括黎講