軒寧樓 (已結業)

最近朋友介紹灣仔一間中菜餐館(軒寧樓)，由於近我返工地方, 前幾日就同三位同事午飯試下, 我哋叫咗兩個時令孖寶, 三餸一臘味糯米飯, 份量十足。第一道菜來個姬松茸胡椒豬肚雞窩，餐館細心地提供gas 爐確保食物常熱。我平時唔食辣嘢，但呢個胡椒唔算好辣，配合豬肚、姬松茸和雞，味道幾好，又有營養，飲一碗已經覺得好暖胃，冬天好啱食。隨後嘅安格斯牛腩, 同樣用gas 爐保温，牛腩好爽，其他配菜同湯都好清甜，喜歡食牛坑腩的朋友不容錯過。食完雞窩同牛腩，已經有D飽，但見酥炸生蠔好吸引，不能不試。外層炸得好脆，裡面隻生蠔出奇地嫩滑可口，下次午飯一定要食起碼兩隻!同事見三個餸都咁好味，再追加一碟楊枝金柚脆蝦球，啲蝦大大隻又彈牙，配合醒胃楊枝甘柚汁，又忍不住食多兩件，真正大滿足，最後的臘味糯米飯，需然材料裡面有我鐘意嘅冬菇蝦米, 但只有靠男同事們試味喇…..