王牌冰室 (南豐紗廠) (已結業)

荃灣新一地點打卡好地方《南豐紗廠》 得知佢嗰度開咗一間新餐廳，就係呢間"王牌冰室"早排仲做咗新開大優惠，開張第一日一折，第二日有2折，第三日三折，第四日四折，如此類推早一星期優惠! 我同兩位朋友喺佢開張嘅第二日食咗個早餐， 原價三十幾蚊兩折後只需要大約六蚊，仲要包埋熱飲雖然佢係做到咁平，但係一啲都唔"媽呼"!!我哋叫齊三個早餐包括: 五香肉丁米粉， 雞湯火腿通粉，雪菜肉絲米粉 ，每碗嘅份量冇因為話做二折特價而畀得好少你， 佢同出面餐廳 一樣份量夠大😱😱 我哋三人一致認為五香肉丁米粉最好味雪菜肉絲略嫌肉絲比較小，一碗大約兩三條肉，雞湯火腿通個湯底一啲都覺有強烈味精味十分好! 我好欣賞佢哋嘅裝修設計，門外都有啲打卡位，餐廳入面都有好大個牌霓虹光管!🤩🤩🤩