巴辣仔烤魚

營業中

休息中

上網睇見到呢間新開嘅餐廳 好似好吸引咁 而且影相打卡一流，於是入黎試吓！龍躉魚（爆檸酸菜味）：魚質滑溜，咬落去入口即化，而且上面配上大量檸檬，食落去酸酸地，更加開胃！另外配左萵荀+紅薯粉，蔬菜可以中和之前嘅飽膩感，而紅薯粉亦吸引左魚汁嘅精華，食落去更有層次感！卜卜蜆：大量蒜香味，食落去濃郁嘅蒜蒸味同新鮮嘅蜆味！一上枱絕對氛香撲鼻！燒牛肉：BB辣，食落去啖啖嘅牛肉香味，而且雖然話係BB辣，但食落去都真係幾辣，食唔到辣嘅朋友要稍為注意一下！鐵板燒茄子：超巨型茄子，食落去好濃郁嘅鮮茄子味，十分惹味！燒菠蘿：出奇地好食，多汁鮮甜，食完甜而不膩，為呢餐飯畫上完美句號！