林仔茶檔 (已結業)

最近發現油麻地開咗間新嘅茶餐廳，除咗提供多款炒粉麵飯、鐵板餐、經典小菜之外亦有大排檔同川菜料理，食物款式眾多，老少咸宜，實有一款啱你心水👍🏻 餐廳環境唔算好大，但座位之間有足夠距離，卡位為主，坐落都幾舒適～ 呢度嘅上菜速度都幾快，黑椒牛仔骨煲上枱時熱辣辣，咋咋聲，牛仔骨好大一塊，嫩滑多汁，醬汁調味適中，唔會過鹹，配飯一流！黃金鮮魷份量唔算好多，外皮炸至金黃酥脆，鹹蛋味出，內裏爽口彈牙，記得要趁熱食！黃金爆炒海中蝦賣相一流，做到出面大排檔嘅質素，而且價錢比較便宜，會話性價比好高！蝦大大隻，爽口，鮮甜，新鮮，美味，唔覺唔覺就清曬，好想叫多碟嚟食！飲品方面就比較大眾化，要咗什果賓治同龍鳳檸樂，解渴一流～