里的茶 (已結業)

噚日出開香港仔, 去食日式燒肉午飯,食完燒肉經過見到”里的茶”,想買返杯茶消滯,咁啱里的茶做緊PROMOTION新張期間買一送一優惠, 當然同老公一人一杯啦。我揀咗熱嘅伯爵珍珠奶茶, 老公揀咗凍蜜香奶蓋紅茶。等了大概4分鐘左右就可以拎, 先講熱伯爵珍珠奶茶,打開蓋飲, 先聞到好香嘅伯爵茶味, 喝一口, 奶味香濃, 伯爵茶味剛好,經由奶味送出伯爵茶嘅溫婉味道, 珍珠亦好好咬口, 整體呢杯飲品唔會太甜, 我覺得值8.5分/10分。凍蜜香奶蓋紅茶, 我第一次飲奶蓋紅茶, 感覺新鮮,味道不俗, 紅茶清清地配上奶蓋, 滿搭的。