影片
更多
2022-02-23
100 瀏覽
🤍澳葡牛奶餐室 (深水埗)🖤深水埗汝州街278號地舖今日同朋友喺深水埗唔知食咩好，就試吓呢間新開嘅茶記，呢間茶記主打雙皮奶同埋葡式食物，比起一般茶記都幾舒適乾淨。巨人豬扒包 $36牛油豬扒包夠大個烘得香脆，，豬扒大大塊又夠鬆軟，而且醃得夠入味，加埋生菜同蕃茄夠晒清新，食落唔會覺得好膩。吉列大蝦蛋蓋飯配燒汁 $62個飯足足有兩碗飯咁多，如果細食嘅女仔一定要嗌小飯！滑蛋份量多，而且好香濃牛乳味，照燒汁連入邊白飯都有淋上，唔驚唔夠汁撈飯食。香煎韭菜餃$28韭菜多而且好香濃，加埋辣椒醬點嚟食勁開胃。金沙雞翼$26大大隻雞翼上面鋪上大量鹹蛋黃碎，就咁望落都已經夠晒吸引，外皮好脆，真係好邪惡！韓國蜂蜜柚子茶/檸檬菊花蜜另外我哋仲嗌左兩杯飲品，味道就普通茶記咁啦～
🖤深水埗汝州街278號地舖
今日同朋友喺深水埗唔知食咩好，就試吓呢間新開嘅茶記，呢間茶記主打雙皮奶同埋葡式食物，比起一般茶記都幾舒適乾淨。
巨人豬扒包 $36
牛油豬扒包夠大個烘得香脆，，豬扒大大塊又夠鬆軟，而且醃得夠入味，加埋生菜同蕃茄夠晒清新，食落唔會覺得好膩。
吉列大蝦蛋蓋飯配燒汁 $62
個飯足足有兩碗飯咁多，如果細食嘅女仔一定要嗌小飯！滑蛋份量多，而且好香濃牛乳味，照燒汁連入邊白飯都有淋上，唔驚唔夠汁撈飯食。
香煎韭菜餃$28
韭菜多而且好香濃，加埋辣椒醬點嚟食勁開胃。
金沙雞翼$26
大大隻雞翼上面鋪上大量鹹蛋黃碎，就咁望落都已經夠晒吸引，外皮好脆，真係好邪惡！
韓國蜂蜜柚子茶/檸檬菊花蜜另外我哋仲嗌左兩杯飲品，味道就普通茶記咁啦～
張貼
