品川日本料理 (已結業)

行完日本Donki，過隔離海之戀商場有間新開的放野，試試佢！佢用QR code來落單既，版面都幾清晰，我諗上左年紀的人都用到。.放題又點少得刺身呢？當中比較出色嘅就係吞拿魚赤身，通常一般放題比嘅吞拿魚🐟都係好細塊淡紅色，仲有好多根。但係，呢間放題嘅吞拿魚佢切得好大舊，同埋肉質係好正，一啲根都冇，品質一定係高級超市之上，以放題嘅價錢來講，呢個吞拿魚真係好值得食👍🏼👍🏼另外，第二個我要推薦嘅係榮螺鮑魚刺身，呢個就好鮮甜！🙂.呢個蠔都好正，可能會岩男仔多d，因為海水味比較重，但放題食到生蠔仲要咁新鮮都係抵嘅！👍🏼.其中一樣值得讚嘅就係清酒任飲🍶，一般放題都要加錢先可以飲清酒，呢度有得仼飲，真係好唔錯。.值得一提的是呢個燉蛋，係甜既，係係好好食！一定要試！.仲有一般大路的放題食物都有.野飲櫃有可樂、雪碧、芬達、玉泉忌廉都有，不過如果多番d無糖的茶類就更出色啦。.雪糕有雲呢拿味、綠茶味、薄荷朱古力、士多啤梨味、仲有右手邊放咗啲比較特別嘅味道：海鹽味、港式奶茶味、玄米茶味🍵。大家可以一試！