影片
更多
2022-12-05
10 瀏覽
銅鑼灣渣甸街新開左一間江戶風日本菜 - 「鮨悠」，今次跟 @annietoni 一齊去食佢地嘅晚市omakase🥳🤟🏻 我哋兩個都非常滿意今次嘅用餐體驗❣️啱啱嚟到嘅時候，餐廳安排左我哋入一間細房體驗日本茶道儀式🍵 呢個環節出面少見啲，真係有驚喜！店員一邊沏茶，一邊同我地介紹日本茶道文化🇯🇵 除咗可以品茶同品嚐和菓子外，更多嘅係感受到對客人嘅熱情款待。✨「鮨」Omakase $1480👉🏻前菜三點🔸蟹羊羹呈透明半球形，見到入面有蟹肉絲同埋秋葵，面頭有塊木之芽做裝飾，賣相好靚好精緻😍 味道微鹹，淡淡地帶點清香同蟹肉嘅鮮甜。🔸岩石玉子蛋黃mix蛋白嘅藝術品🤣 賣相十分可愛，切成細細塊好似迷你卷蛋咁，上面仲吱左啲蛋黃醋醬。🔸白梅貝呢個係日本東風螺，口感鮮甜爽口，配搭八方汁味道酸酸甜甜，仲加咗啲辣椒絲，係一道醒胃前菜！ 👉🏻手握壽司15貫🍣🔹間八魚間八係紅鰤魚，比較難捕獲，列名日本最高級壽司食材前3位！魚身呈淡黃色，因為脂肪含量比一般鰤魚少，入口有淡淡嘅油脂香，唔會覺得膩。🔹鮫鰈魚口感緊實細嫩，面頭放左炙燒過嘅魚邊，香氣撲鼻，油脂豐富。🔹伊佐木肉質爽口彈牙，唔油膩，搭配微辣嘅辣椒蓉好適合🌶️ 🔹深
啱啱嚟到嘅時候，餐廳安排左我哋入一間細房體驗日本茶道儀式🍵 呢個環節出面少見啲，真係有驚喜！店員一邊沏茶，一邊同我地介紹日本茶道文化🇯🇵 除咗可以品茶同品嚐和菓子外，更多嘅係感受到對客人嘅熱情款待。
✨「鮨」Omakase $1480
👉🏻前菜三點
🔸蟹羊羹
呈透明半球形，見到入面有蟹肉絲同埋秋葵，面頭有塊木之芽做裝飾，賣相好靚好精緻😍 味道微鹹，淡淡地帶點清香同蟹肉嘅鮮甜。
🔸岩石玉子
蛋黃mix蛋白嘅藝術品🤣 賣相十分可愛，切成細細塊好似迷你卷蛋咁，上面仲吱左啲蛋黃醋醬。
🔸白梅貝
呢個係日本東風螺，口感鮮甜爽口，配搭八方汁味道酸酸甜甜，仲加咗啲辣椒絲，係一道醒胃前菜！
👉🏻手握壽司15貫🍣
🔹間八魚
間八係紅鰤魚，比較難捕獲，列名日本最高級壽司食材前3位！魚身呈淡黃色，因為脂肪含量比一般鰤魚少，入口有淡淡嘅油脂香，唔會覺得膩。
🔹鮫鰈魚
口感緊實細嫩，面頭放左炙燒過嘅魚邊，香氣撲鼻，油脂豐富。
🔹伊佐木
肉質爽口彈牙，唔油膩，搭配微辣嘅辣椒蓉好適合🌶️
🔹深海池魚
口感爽脆，肉質鮮嫩肥美，油脂濃郁，係我鍾意嘅味道🥰 搭配左少少柚子胡椒醬🤏，柚子同胡椒嘅味道同樣突出，整體入口更清新，可以解膩！
🔹鯖魚
切開咗3層，肉質嫩滑，油脂豐富。
🔹金目雕
金目雕生活喺200米以上嘅深海，係日本其中一種高級食材～ 魚身白裏透紅，肉質細膩，口感唔算好爽口亦唔算好淋。
🔹牡丹蝦
本身自己都好鍾意食牡丹蝦，爽口鮮甜！比較特別嘅係，見到師傅將蝦頭膏燒香擺係蝦身上面😝 蝦頭膏香味好濃郁，入口充滿焦香。
🔹北海道帆立貝
帆立貝好厚肉，加咗少少柚子汁，味道清香鮮甜。口感上我覺得同平時食開嘅帆立貝有啲唔同，呢個會相對爽身啲。
🔹三文魚籽
口感彈牙，微鹹又帶點甜味。
🌟食食下壽司，師傅為我哋準備咗青桔啫喱
配煙燻大根等我哋解下膩😆 食落煙燻味好香濃，蘿蔔爽口，cream cheese軟滑，冇諗過兩樣嘢可以咁夾！好好味💯好有驚喜👀
🔹赤貝
赤貝大件又厚肉，非常鮮甜爽口🫶🏻
🔹赤鯥魚
赤鯥魚被稱為九州魚王，係名貴嘅極品深海魚！味道非常鮮甜而且油脂豐富👍🏻
🔹中拖羅
仔細睇會見到脂肪紋路，油脂豐富得黎恰到好處，入口嫩滑，味道甘甜😍
🔹北海道根室白海膽
白海膽係紫海膽嘅一種，比起馬糞海膽更加珍貴罕有。味道好清甜，冇腥味，有入口即溶嘅感覺🤤👍🏻
👉🏻手卷
拖羅蓉搭配紫菜+蔥花係不敗嘅組合！
🌟食完壽司同埋手卷後，師傅俾我哋試左一款布甸蛋，面頭有焦糖，好似Crème Brûlée🤣 不過口感會比較滑溜，蛋香味亦比較濃郁，好特別！
-
👉🏻湯🥣
食完壽司飲返碗暖笠笠，味道清清地嘅舞茸湯好正😚
👉🏻甜品
呢餐以一個好靚嘅蝶豆花水信玄餅收結💙 水信玄餅上面有少少金箔，令賣相更加出色！由於蝶豆花本身冇咩味，側邊搭配左黑糖、紅豆同埋黃豆粉🤩
成餐飯都好開心好enjoy💕環境舒服座位唔逼、師傅同經理講解清晰、食材用心高質、特別嘅茶道體驗，臨走前仲送左一份好靚嘅小禮物俾我地💌 呢度嘅omakase lunch性價比十分高，決定下次再黎食🫶🏻🤤
張貼
