90s Lazy (觀塘) (已結業)

🍴紅酒汁牛肋條飯 $65醬汁除咗有紅酒嘅香味，仲有濃郁嘅牛肉味。加埋蕃茄嘅酸甜，整體好開胃。牛肋肉肥瘦適中，肉質軟腍易咬，而且夠入味。🍴懶人包 $68價錢合理，而且份量十足。Eggs benedict表面嘅醬汁香滑又酸甜，雖然顏色同荷蘭醬稍有區別，但加埋流心嘅蛋黃效果唔錯。只係略嫌muffin烘得唔夠乾身。🍴辣炸魷魚 $68魷魚圈表面沾有薄薄嘅炸粉，油炸後變得酥脆但唔油膩。調味一啲都唔辣，比較似中式椒鹽。🍴水牛城雞翼 $62醬汁酸甜香辣，而且辣度比想像中高好多。雞翼仲保持到少少香脆。