RuRu Tapas Restaurant (已結業)

同朋友係奧海城行完街街見平時都好小行開呢邊，就決定行出去奧海城去街道搵下啲餐廳醫下肚仔😆 行到杉樹街見到呢間「RuRu Tapas Restaurant」，係門口望入去見樓低好高，牆身以白色為主 ，而且呢家新開期間有8折，咁抵門口睇入去又咁靚😍 就入去啦！🔸西班牙蛋餅 $88蛋餅上面舖滿左西班牙火腿，仲有幾粒蔥喺面頭作點綴。西班牙蛋餅聽就聽過好多次，食就第一次啦🤣 一切開就有蛋黃汁流出黎🤤 無諗過會有流心既效果呀😍西班牙蛋餅入面係薯仔片🥔、洋蔥🧅同蛋，足料！🔸慢煮和牛臉肉配薯蓉 $298 配菜既顏色更擺盤令整體既賣相好吸引😍 牛臉肉煮得剛剛好沒有煮到全熟👍🏽 食落口感細嫩。 而且底下既薯蓉好好味呀～～食到有啲黑松露既味道，好夠味！🔸紅酒辣肉腸配全麥麵包粒 $98紅酒辣肉腸係放左係鐵鍋仔，好得意😌 辣肉腸唔算話好辣，怕辣既人士可try try，就咁食既時候味道會咸左少少味，再食埋脆卜卜既麵包粒中和番，就無咁咸。