禮 (天光道) (已結業)

今晚同朋友試咗喺土瓜灣新開嘅一間日式小店。一入到去環境燈光其實偏暗，但就俾咗人一種好舒服嘅感覺，而且員工都好有禮貌，即刻幫我哋斟茶準備前菜。前菜係熟嘅三文魚再配鰻魚汁，佢冇鰻魚嘅多骨，但有三文魚嘅軟熟，個人覺得都幾有趣。店舖內嘅選擇都幾多，有好多唔同種類嘅日式串燒，我哋點左蛋黃醬雞肉串同埋燒魚串，卜卜脆加d七味粉好好食㗎！跟住我點左我最鍾意食嘅蟹膏玉子燒。玉子燒嘅蛋超級無敵滑，蟹膏都好多！食落會爆漿架。跟住我哋仲叫咗和牛黑松露三文治：）上邊有啲金箔擺咗係一個半月型嘅碟上邊，成個感覺係好奢華haha 黑松露嘅香氣好出，入口即溶！其次重頭戲～日本生蠔！勁勁勁肥美，咸味幾濃，但好好食。最後我哋叫咗壽司拼盤，有帆立貝，有海膽，有蝦，有魚同各種深海魚🐠 全部都算新鮮既！埋單除返開一個人都係$3xx左右，晚餐食日本野黎講性價比都高啊，下次再食過。