駿景餐室

營業中

休息中

餐廳係新開張，燈火通明，位置闊落坐得舒服。幫襯左午市，我叫左個蒸魚飯，朋友hea諗就要左個香茅豬扒飯。因為附近無乜茶記會賣蒸魚飯，所以特登試下。份魚一上到枱，我朋友第一句就話：乜咁大份啊，事實以銅鑼灣區黎講48蚊有咁嘅份量係好抵食。一路食一路研究下個餐牌，有好多嘢想試，炒天使麵、貴妃鷄飯同埋蠔仔湯飯等。其實選擇係好多，以我呢啲有選擇困難症嘅人黎講，唯有逐樣試，盡量食齊咁多款。不得不提，仲有樣好特別嘅菜式。特餐入面其中有款沙嗲牛肉係唔出奇，但望到有個“喇沙海鮮銀針粉“就唔同喇，仲要配埋春卷。都咪話唔夠心思，同區平民茶記我諗都無乜邊間會有得食。