咁啱行過有間新開嘅「章魚船」
出面睇落以為淨係食壽司🍣
本身都興趣不大
點知店員主動出嚟同我介紹餐牌同新開張優惠
當時8月頭，壽司有9折
熱狗加飲品（飲品減$10幾蚊）
佢推薦黑松露同肉醬熱狗
話啲肉醬係佢哋自製，唔係出面訂貨
加上態度好好，我都想俾次機會😎
於是我第一次食就點咗肉醬熱狗🌭️
果然！係幾唔錯的
熱狗包有即叫即烘感
肉醬係有少少辣味～幾開胃
好啱唔係太肚餓時食或者宵夜配啤酒🍻！
我仲加配咗芝士薯條🍟
可惜係外賣關係
返到屋企啲芝士已經變咗一餅嘢🥲
點唔到薯條食
第二次食就叫咗壽司同飲品（冇影相）
不過不失啦～
下次會再encore熱狗🌭️！
