影片
更多
2021-12-12
193 瀏覽
2021年11月26日 星期五聽日同左太太去尖沙咀做產檢，做完之後都已經差唔多六點幾，於是決定喺尖沙咀搵嘢食，費事餓住個肚之後就見到呢一間餐廳新開張，睇落去都幾光猛，感覺有啲似韓國嘅小食店再睇返餐牌，原來主要係食飯卷，都有好多唔同種類嘅特色飯卷選擇，價錢喺尖沙咀來講都合理，於是我哋決定要左一個飯卷加一碗飯餐廳入面位置唔算太多，不過感覺好光猛同開揚，無論堂食或者外賣都要先俾錢之後先可以拎食物我就要咗呢一個14號餐，先生巨無霸，分別有飯卷、沙律、小食同飲品，都係$110左右，睇落去好豐富首先當然要講吓呢一個飯卷，先生巨無霸，裡面有鰻魚、炸蝦、蟹棒、芝士同青瓜，分量十足，咬落去味道好豐富，炸蝦夠脆身而芝士嘅鹹香又帶好蟹棒本身既味，上面仲加上脆趣同惹味既醬汁，一個人未必食得晒小食方面我要左炸番薯條，真係夠晒脆而且充滿番薯濃郁嘅味道，每一條都幾厚身，無論賣相同味道都唔錯至於老婆就要左蘑菇汁漢堡扒飯套餐，都係一樣除咗有飯之外，仲有沙律、汽水同小食今次嘅小食我哋要咗先生炸雞，雖然得四件，但係冇諗過每件都咁大舊，而且外皮香脆，裏面嘅肉質仍然保持嫩滑，仲有肉汁流出黎添至於呢一個飯都有好多配料，除咗漢堡扒
聽日同左太太去尖沙咀做產檢，做完之後都已經差唔多六點幾，於是決定喺尖沙咀搵嘢食，費事餓住個肚
之後就見到呢一間餐廳新開張，睇落去都幾光猛，感覺有啲似韓國嘅小食店
再睇返餐牌，原來主要係食飯卷，都有好多唔同種類嘅特色飯卷選擇，價錢喺尖沙咀來講都合理，於是我哋決定要左一個飯卷加一碗飯
餐廳入面位置唔算太多，不過感覺好光猛同開揚，無論堂食或者外賣都要先俾錢之後先可以拎食物
我就要咗呢一個14號餐，先生巨無霸，分別有飯卷、沙律、小食同飲品，都係$110左右，睇落去好豐富
首先當然要講吓呢一個飯卷，先生巨無霸，裡面有鰻魚、炸蝦、蟹棒、芝士同青瓜，分量十足，咬落去味道好豐富，炸蝦夠脆身而芝士嘅鹹香又帶好蟹棒本身既味，上面仲加上脆趣同惹味既醬汁，一個人未必食得晒
小食方面我要左炸番薯條，真係夠晒脆而且充滿番薯濃郁嘅味道，每一條都幾厚身，無論賣相同味道都唔錯
至於老婆就要左蘑菇汁漢堡扒飯套餐，都係一樣除咗有飯之外，仲有沙律、汽水同小食
今次嘅小食我哋要咗先生炸雞，雖然得四件，但係冇諗過每件都咁大舊，而且外皮香脆，裏面嘅肉質仍然保持嫩滑，仲有肉汁流出黎添
至於呢一個飯都有好多配料，除咗漢堡扒之外，仲有雞蛋、粟米、青豆同沙律菜，口感好豐富，漢堡扒好厚身，肉味香濃，醬汁都好夠味，老婆食完之後已經飽晒
張貼
