小曼谷泰國菜館

營業中

休息中

好耐都冇過嚟屯門食過小曼谷啦，你黎到都嚇咗一跳，竟然冇開，再睇清楚啲，原來喺後面街開咗間新嘅鋪頭呀。店內嘅座位比以前闊落，裝修同以前嘅風格一樣，簡簡單單。泰式鳳爪依然咁好味，而且份量好多，鳳爪彈牙爽脆，最緊要嘅要係冇骨添。生菜包嘅生菜就梗係夠新鮮啦，肉碎好夠味，依然係辣到我噴火，但係佢上菜嘅速度依然係十分之快。蒜蓉包，新鮮熱辣應該係既燒啦，充滿牛油同蒜蓉嘅香味，簡直係一試難忘。馬拉盞炒椰菜苗，係我每次嚟到會必食嘅菜，但係可惜份量太少喇。