任點美食 (已結業)

平日經過灣仔冇留意到，原來早排啱啱開咗間新嘅車仔麵店，諗返起以前細個成日肚餓就落街食碗車仔麵，回想起好多童年回憶。你先講下個餐牌，今時今日$48有一個三餸麵再加嘢飲，仲要喺灣仔皇后大道東呢啲咁旺嘅地方，真係好難得。餸嘅款式有超過40款，對於我呢啲有選擇困難症嘅人，係一個好大嘅挑戰。最後叫咗碗日式豬軟骨魚皮餃炸魚皮腩汁油麵。等餐都好快，幾分鐘後我部提示機就已經響，叫我岀去攞餐。值得一讚嘅係佢嘅豬軟骨，煮得好沐，唔會好似岀面有啲地方咁咬唔開。以一個車仔麵嚟講，可以話係超水準發揮。